?? BYDDWCH YN SEIBER GADARN – Gwyliwch allan am alwadau twyll annisgwyl ??

Rydym yn rhybuddio'r cyhoedd yn dilyn dau adroddiad diweddar lle cafodd dioddefwyr oedrannus eu targedu gan dwyllwyr argyhoeddiadol.
Dywedwyd wrth y dioddefwyr i beidio ag ymddiried yn eu banc a chawsant eu perswadio i geisio tynnu symiau mawr o arian allan, gan gael eu cyfarwyddo i bostio'r arian parod i gyfeiriadau ar hap yn Llundain er mwyn ei gadw'n ddiogel.

⚠️ Mae troseddwyr yn aml yn esgus bod yn swyddogion heddlu, yn weithwyr banc neu'n weithwyr proffesiynol dibynadwy eraill. Gallent swnio'n argyhoeddiadol iawn a gallent roi pwysau ar ddioddefwyr i weithredu'n gyflym, gan ddweud wrthynt i beidio â thrafod y mater gyda theulu, ffrindiau na staff y banc.

✅ Cofiwch:
• Os byddwch yn derbyn galwad amheus, rhowch y ffôn i lawr a chysylltwch â'ch banc yn uniongyrchol gan ddefnyddio rhif dilys.
• Ni fydd banciau na'r heddlu byth yn gofyn i chi dynnu arian parod allan a'i anfon drwy'r post.
• Mae twyllwyr yn aml yn creu ymdeimlad o frys ac yn dweud wrth ddioddefwyr i gadw'r trafodiad yn gyfrinachol.
• Os bydd rhywun yn dweud wrthych i beidio ag ymddiried yn eich banc, eich teulu neu'ch ffrindiau, dylai hynny fod yn arwydd o rywbeth amheus.
• Os nad ydych yn siŵr, siaradwch ag aelod dibynadwy o'r teulu, ffrind neu'ch banc gan ddefnyddio rhif y gwyddoch ei fod yn ddilys cyn symud unrhyw arian.

👨‍👩‍👧‍👦 Plîs rhannwch y rhybudd yma, yn enwedig gyda pherthnasau, ffrindiau a chymdogion hŷn. Gall sgwrs syml atal rhywun rhag dod yn ddioddefwr twyll neu hyd yn oed rhag colli ei cynilion i gyd.