Hanes

Mae Rhybudd Cymunedol Gogledd Cymru yn wasanaeth negeseuon cymunedol am ddim i bobl sy'n byw, yn gweithio ac yn ymweld â Gogledd Cymru.

Mae ein cymunedau'n chwarae rhan hanfodol wrth ein cynorthwyo i atal a chanfod trosedd ac ymddygiad gwrthgymdeithasol. Gan weithio gyda'n gilydd, gallwn wneud Gogledd Cymru'r lle mwyaf diogel yn y DU i fyw, gweithio ac ymweld.

Drwy ymuno â Rhybudd Cymunedol Gogledd Cymru, byddwch yn derbyn rhybuddion am drosedd yn eich ardal, apeliadau tyst, gweithgarwch plismona cyffredinol ac unrhyw dwyll ddylech fod yn ymwybodol ohonynt.

Cofrestru gyda Rhybudd Cymunedol Gogledd Cymru

Mae cofrestru yn am ddim, hawdd a syml - cofrestrwch yma. Unwaith rydych wedi cadarnhau eich cyfrif drwy ymateb i'r e-bost dilysu, mae gennych fynediad yn syth i wefan Rhybudd Cymunedol Gogledd Cymru.

Mewngofnodi i Rybudd Cymunedol Gogledd Cymru

Pan ydych wedi cofrestru gyda Rhybudd Cymunedol Gogledd Cymru mae gennych fynediad llawn i fewngofnodi i'r wefan a mynediad ac eich gosodiadau cyfrif ar unrhyw amser.

Mae mewngofnodi yn caniatáu i chi reoli eich holl fanylion personol ac addasu'r mathau o negeseuon rydych eisiau eu derbyn, lle rydych eisiau eu derbyn a phryd yr hoffech eu cael. Gellir gwneud hyn i gyd drwy ein gweinyddion diogel.

System negeseuon cymunedol Rhybudd Cymunedol Gogledd Cymru:

Mae Rhybudd Cymunedol Gogledd Cymru yn rhan o'r rhwydwaith o wefannau Rhybuddion Cymdogaethau a Darparwyr Gwybodaeth. Pan ydych yn ymuno â'r system hon, rhennir eich gwybodaeth gydag ychydig iawn o sefydliadau trwyddedig. Gallwch reoli'n union pwy all weld eich gwybodaeth a chyfathrebu gyda chi drwy fewngofnodi i'ch cyfrif neu drwy anfon e-bost at support@neighbourhoodalert.co.uk.

Gall Darparwyr Gwybodaeth a sefydliadau sy'n gallu gweld eich data gynnwys: Yr Heddlu, Y Comisiynydd Heddlu a Throsedd, Tân ac Achub, Gwarchod y Gymdogaeth, eich Awdurdod Lleol a VISAV (gweinyddwyr y system). Adolygwch y telerau ac amodau cofrestru llawn cyn i chi gofrestru gyda'r system.

Dalier sylw: Ni ddylid defnyddio'r gwasanaeth hwn i'n hysbysu ni am unrhyw drosedd neu ddigwyddiad. Mae gennym ystod o wasanaethau ar-lein ar ein gwefan yma https://www.northwales.police.uk. Os ydych eisiau ein hysbysu ni am drosedd neu ddigwyddiad, defnyddiwch y ffurflen ar-lein hon ar ein gwefan neu ffoniwch 101. Os yw'n argyfwng ffoniwch 999.